Ազգի ոգին՝ ազգի մշակույթն է․․․
Մշակույթի համալսարանի հենակետային քոլեջն ավելի քան տաս տարի նվիրվել է մշակութապահպան, մշակութաստեղծ և մշակույթ տարածող կադրերի պատրաստման գործին: Քոլեջն իր գործունեության ընթացքում կրթել, ուսուցանել և դաստիարակել է շրջանավարտներ, որոնք իրենց ներդրումն ունեն հայ մշակույթի տարածման գործում:
Երևանի մշակույթի համալսարանի հենակետային քոլեջը հիմնադրվել է 2012 թվականին։ Հիմնադրման օրվանից Երևանի մշակույթի համալսարանում և հենակետային քոլեջում դասավանդել են ոլորտի բարձրակարգ մասնագետներ, գիտական աստիճաններ և կոչումներ ունեցող մշակույթի վաստակաշատ գործիչներ և մանկավարժներ: Տարբեր տարիներին դասավանդել են երջանկահիշատակ՝ Նելլի Աբովյանը, նկարիչների միության փոխնախագահ Խաչիկ Ազիզյանը, արվեստի վաստակավոր գործիչ Լյուդվիգ Պողոսյանը և այլք: Այսօր քոլեջում և համալսարանում դասավանդում են վաստակավոր գործիչ, երգահան Նորայր Ժամհարյանը, դոցենտ Սևադա Շհոյանը, պրոֆեսոր Սամվել Գալստյանը, Անահիտ Խեչումյանը և այլ ակնառու մանկավարժներ:
Քոլեջի սաները 2012 թվականին մասնակցել են «Ոսկե սրինգ» հանրապետական փառատոնին և գլխավորել մրցանակակիրների առաջին եռյակը։ 2014 թ-ին քոլեջի սաները մասնակցել են «Նարնջագույն Քոբուլեթի» միջազգային փառատոնին և արժանացել «Գրան պրի» մրցանակի: ԵՄՀ հենակետային քոլեջի դիզայնի բաժնի ուսանողները մասնակցել են 2015 թ-ին Թուրքիայի Ալանիա քաղաքում կազմակերպված ցուցահանդեսին։ 2016 թ-ին քոլեջի ուսանողները մասնակցել են Ծաղկաձորում կազմակերպված «Արմենիա 2016» միջազգային փառատոնին և արժանացել առաջին մրցանակի։
ԵՄՀ-ի և հենակետային քոլեջի սահմանած առաքելությամբ և հիմնվելով միջին մասնագիտական ուսումնական հաստատությունների համար սահմանված պետական կրթական չափորոշիչների վրա, իրականացրել է ընդունելություն հետևյալ մասնագիտությունների գծով՝ Գործիքային կատարողական արվեստ (4 տարի), Դիզայն (4 տարի), Սպասարկման կազմակերպում հյուրանոցներում և զբոսաշրջային համալիրներում (3 տարի), Երգեցողություն (4 տարի) և Պարարվեստ (3 տարի)։
Քոլեջի մի շարք շրջանավարտներ հիմնել են պարի, երգեցողության, գործիքային կատարման արվեստի մասնավոր ստուդիաներ։
ԵՄՀ հենակետային քոլեջը տեղակայված է կրթական գործընթացի իրականացումն ապահովող պայմաններ ունեցող շենքում, որը գտնվում է Արշակունյաց 40 հասցեում։
- Մասնաշենքը հագեցած է լսարաններով, աշխատասենյակներով, արվեստանոց-ստուդիաներով և օժանդակ հարմարություններով:
- Քոլեջն ունի գրադարան, որից օգտվում են համալսարանի և քոլեջի ուսանողներն ու դասախոսները:
- Գործում է ԵՄՀ հենակետային քոլեջի կայքը, ֆեյսբուքյան էջը:
- Քոլեջի ուսանողների տրամադրության տակ է մարզադահլիճը և մարզահրապարակը, որոնք հնարավորություն են տալիս ուսանողներին մարզվելու և տարբեր մարզական միջոցառումներ կազմակերպելու:
ԵՄՀ հենակետային քոլեջի առաքելությունն է` պատրաստել բարձրակարգ մասնագետներ, դաստիարակել հասարակության խելացի և գեղագետ անդամներ, որոնք ընդունակ կլինեն պահպանելու, զարգացնելու և սերունդներին փոխանցելու ազգային և համամարդկային մշակութային ժառանգություն։
Երևանի մշակույթի համալսարանը և հենակետային քոլեջը սկզբունքորեն հետևում են հասարակության հետ կապի շարունակական զարգացմանը՝ ազգ, ժողովուրդ, մշակույթ, համամարդկային արժեքներ համատեքստում։
Երևանի մշակույթի համալսարանը իր հենակետային քոլեջի հետ միասին ձևավորել է արդի մշակույթի զարգացմանը համահունչ կրթության համակարգ, որը կպատասխանի ժամանակակից հասարակության արդի հարցերին՝ բոլոր բնագավառներում` գիտության, տեխնիկայի, տնտեսագիտության, մշակույթի և արվեստի:
Քոլեջում կրթությունը մշակութակենտրոն և անհատակենտրոն է: Կարևորվում է գեղագիտական, բարոյական դաստիարակությունը։
ԵՄՀ հենակետային քոլեջում կրթությունն ու դաստիարակությունը ուղղված են մասնագիտական գործունեության մեջ ակտիվ ստեղծագործական ինքնադրսևորման ունակությամբ, հումանիտար և բնագիտական համակարգված գիտելիքներ ու կարողություններ ունեցող անձի ձևավորմանն ու զարգացմանը:
ՄԱՄՈՒԼԸ ՄԵՐ ՄԱՍԻՆ
«Մաղթենք, որ համալսարան մտնելը հեշտ լինի, դուրս գալը՝ դժվար…»
«Նախկին դժվարություններն այլևս հուշ են դարձել…»